Cerita Pendek Carpon Sunda

Hai, udah lama gak posting nih.Ga punya inspirasi buat nulis. Sekarang aku mau share hasil karangan aku yang sebenernya ini tugas sekolah. Ngerjainnya malem ini, pas hujan. Maaf kalo bahasanya berantakan, tolong di komen aja biar bisa aku revisi hehe. 

Basa Keur Malem Minggu..

Ngegambar sendiri, maaf abstrak haha.

Tepangkeun, simkuring Ahmad Suraga nu biasa disebut ‘Gaga’. Kuring sakola keneh, SMA kelas 1. Kuring rék nyarita. Basa harita ker malem minggu, kuring nyorangan di kamar. Bapa jeung Ema mios ba’da magrib ka salametan toko anyarna Pa Hadi, moal lila ceunah. Si Alin ker di tengah imah, ngadon nonton tv siganamah. Kuring sosoranganan ngoprék gitar sabari nyanyanyian ngagandéngan tatangga. Batur anu ‘barudak gaul’ mah ti isya mula téh geus arulin malem mingguan. Ari kuring mah di imah wé da titah maturan si Alin, jaba dina ramalan cuaca di TV rék turun hujan engké peuting téh. Ker anteng ngulik gitar bari diajar lagu ‘jalir jangji’ téh, kadéngé sora hapé kasada tanda aya nu nelepon. Dicileuk téh bener, si Bahar nu nelepon.

“Halo? Assalamu’alaikum, Ga.” Bahar nyapa miheulaan paguneman.

“Wa’alaikumsalam, Har. Aya naon nya?”

“Ieu Ga, ceunah barudak kelas rék ngumpul di warung Mang Ujen nu aya layar tancep na ning, cuang lalajo Pérsib bareng-bareng! Mumpung ayeuna malem minggu. Mun arék ku urang di téang ayeuna ka imah, kumaha?”

Mikir heula ngahuleung sakerejepan. Dina haté mah rarasaan hayang pisan mangkat kumpul jeung barudak. Tapi da ulah kamamana peuting ayeuna téh. Sabab maturan Alin jeung rék turun hujan gédé katambah angin ramalan cuaca mah.

“Duh euy, lain teu hayang milu sabenerna mah hayang pisan. Tapi urang téh teu menang kamamana peuting ayeuna téh, Bapa jeung Ema ker kaluar, jadi urang titah maturan si Alin di imah. Hampura nya, Har.”

“Oh kitu. Teu nanaon ari kitu mah, Ga. Da bener ogé, teu mungkin Alin ditinggal sorangan di imah mah, bisi aya nu macem-macem.”

 “Nuhun pisan geus ngajakan, hampura nya sakali deui. Minggu hareup mah bisa inshaa Allah”

“Enya atuh siap, geus heula nya Ga. Assalamu’alaikum”

“Wa’alaikumsalam”

Kakara beres teleponan, aya nu ngetok panto. Éta si Alin, pun adi hiji-hiji na anu kacida pikaseubeuleunana ngetok panto satarik-tarikna.

*Tok tok tok dor dor dor “Aa!!!! nuju di kamar ngagalaunyaaa?” saur Alin.

“Saha éta?” Tembal kuring.

“Ih ieu Neng Alin nu pang geulisna sajagad, Aa!”

“Aa na teu aya neng!”

“Ih tong bohong kitu atuh a, neng lebet nya!”

“Eh ulah ulah, barinagé pantona dikonci kétang. Hahaha”

“Ih aa bejakeun siah ka mamah. Telepon yeuh nya, hiji..dua..til...”

“Eh eh eh, ulah atuh neng da geulis neng Alin mah”

“Neng hoyong lebet atuhnya!”

“Heuhlah,” *ceklek mukakeun panto jang si Alin. “Dieu”

“Asiikkk”

Si Alin ngoprek sagala barang nu aya di kamar, gitar,buku, novel, nepika ngajleng-ngajleng dina kasur springbed di kamar kuring. Ku bakating rieut tur capé ngomél, ku kuring diantep wé éta budak titah bahagia sorangan. Da lanceukna mah keur galau ngalamun murung kusabab teu bisa lalajo pérsib jeung barudak. Sanggeus bosen ngoprék gitar, kuring ék pindah kana maca novél. Éh cikaracak sora girimis kadéngé laun ti jero kamar. Noong tina jandéla mah bener, basa éta teh turun hujan. Untung Bapa jeung Ema geus nepi di imah. Beuki lila beuki deres wé hujan téh.

Singkat carita si Alin kasaréan di kamar kuring. Tapi geus dipindahkeun ka kamarna. Geus aya sajam leuwih maca novel, basa itu jam sapuluh peuting, kuring geus ek saré. Ujug-ujug aya telepon ti Bahar, tapi nu ngomong lain Bahar, nyaéta Akéw nu tadi bareng samotor jeung Bahar. Nelepon téh aya maksud, ceunah Bahar téh labuh tina motor. Akéw mah bisa kénéh leumpang, Bahar mah pingsan, dibawa ka rumah sakit. Tuluy menta tulung ka kuring pang jemputkeun orang tuana Bahar supaya bisa nyusul ka rumah sakit. Siap-siap tuluy pamit ka Bapa, langsung berebet mangkat ka imah Bahar, tuluy ka rumah sakit. Bener baé, katénjo Akéw lalécet dina tangan, kaki, jeung huluna. Ari Bahar mah ngagolér keneh, tapi geus sadar. Diditu ngan ngobrol sakedap, tuluy kuring pamit mulih. Di sapanjang jalan dina motor, kapikiran tur gegerendeng “Untung kuring nurutkeun cek ema jeung bapa, mun tadi milu jeung Bahar, boa ayeuna bisa kénéh naék motor siga kieu. Alhamdulillah.”

-Tamat-

 

Semoga temen-temen menikmati artikel ini, semoga bermanfaat dan membantu kalian dalam kemalasan mengerjakan homework hehe.

Jangan lupa kita  bisa saling follow sosmed di:

IG : @nakiaaaam *a nya empat ya hehe

Twitter : @nakiaayu

Facebook : Nakia Ayu Mulyani

THANK YOU!